JM Bilbaoko hezkuntza

Política de Cookies
Utilizamos cookies propias y de terceros para mejorar tu accesibilidad, personalizar y analizar tu navegación. Al continuar navegando consideramos que aceptas su instalación. Puedes cambiar la configuración u obtener más información en nuestra
(+ info)

Aceptar
Eskola orduetatik kanpo, gure hezkuntza komunitateko kide guztien arteko bizikidetza eta lankidetza sustatzen duten hainbat jarduera antolatzen ditugu.

Familien eskola

SIEP-FEAC “Sendi-irakaslegoa: Elkar partekatuz / Familia- Escuela: Acción compartida” goiburuaren siglak dira; familien eta ikastetxearen arteko lankidetza sustatzeko proposamen bat.


Ikasturtean zehar sei topaketa antolatzen ditugu; horien bitartez, talde txikitan, gurasoak eta irakasleak bildu, gogoeta egin, eta hezkuntzari buruzko ikuspegiak eta esperientziak partekatzen dituzte. Iritzia emateko, entzuteko eta guztiok guztiongandik ikasteko foro bat. 

Familien eskola

Azoka solidarioa

Irakasle talde batek sustaturiko jarduera honen helburua gure munduko errealitate desorekatuari buruz kontzientzia sortzea da. Hezkuntza Komunitate guztiaren inplikazioa dauka, eta horren bitartez, liburuak, CDak edo DVDak eta ikastetxean bertan sorturiko eskulanak ematen dira dohaintzan.

Bildutako guztia salgai jartzen da, prezio sinboliko batekin, eta lortutako dirua Haitira bidaltzen da, herrialde horrekin lankidetzan ari baikara JM Kongregazioaren Komunitatearen bitartez.

Azoka solidarioa

Bakea

Bakea ezinbesteko balioa da gizartean. Irakasleek koordinatzen dute errealitate horri buruzko lana eta gogoeta, eta azken urrats gisa, eskola guztia biltzen duen Bakearen inguruko Ekitaldi bat egiten da, bakea eraikitzearen eta bakean bizitzearen aldeko apustua adierazi eta ospatzeko.

Bakea

Boluntariotza (JM taldeak)

Gure gazteek premia larrienak dituzten pertsonekiko gizarte konpromisoa eta eskuzabaltasuna erakusteko hainbat jardueratan parte har dezaten bultzatzen dugu. Jarduera horien artean, azpimarratzekoak dira baliabiderik gabeko pertsonentzako frantziskotarren Iralako jantokia eta JM taldeak.


Talde horiek ostiral arratsaldeetan biltzen dira, eskola amaitzean, eta beren denbora librea besteekin partekatu nahi duten ikastetxeko ikasle helduenen borondatezko laguntzari esker egiten dira.


Taldeen helburua hainbat baliotan sakontzea da: errespetua, taldelana, hezkuntza denbora librean, solidaritatea, entzutea eta barnera begiratzea, eta horretarako, jolasak, lantegiak eta taldeko dinamikak antolatzen dituzte.

Boluntariotza (JM taldeak)

Berdintasun Batzordea

Hainbat lantegi eta jardueraren bitartez (esaterako ziklo bakoitzari egokituriko tutoretza saioak), sentikortasunez baina irmotasunez lantzen dugu hain kezkagarria den genero desberdintasunaren gaia, eta ikasleei besteekin harreman osasuntsuak eraikitzen laguntzen diegu.

Berdintasun Batzordea

Pertsona sinestun gisa haztea

Urtean zehar Espainiako Jesus eta Mariaren eskola guztiei zuzendutako jarduerak egiten dira, ikasleak pertsona gisa haz daitezen sustatzeko: Udalekuak (Lehen Hezkuntzako 3. zikloa eta Bigarren Hezkuntza), Santiago Bidea eta Auzolandegiak (Batxilergoa), Gazteen Topaketak, Pazkoko ospakizunak…

Pertsona sinestun gisa haztea

Claudina

Claudina Thévenet izan zen JM Bilbao kide den Jesus eta Mariaren Kongregazioaren sortzailea. Batzorde honen helburua Claudinaren figura hurbiltzea da, fedearen ospakizunaren eta aisiaren bitartez. Jesus-Mariaren zati sentitzeko egunak dira, eta kultura eta herrialde ezberdinetan dauden ikastetxeetan bultzatzen saiatzen garen familiaren espirituan sakontzekoak.

Claudina

Ogitarteko solidarioa

Urtean behin, bi edo hiru egunez, ikasleek “lehengai” gozoak ekartzen dituzte ikastetxera eta horrekin ogitarteko kopuru handi bat prestatzen dugu jolas eta jai giroan. Ogitarteko horiek ikasleek beraiek erosten dituzte gero, eguerdian bazkaltzeko, eta bildutako dirua Haitira bidaltzen dugu.

Ekimen horren bitartez, ikasleek ahalegin bat egiten dute, ilusioz beteta, eta pertsona behartsuagoek bizi duten errealitate gogorra hurbilagotik ikusteko aukera izaten dute.

Ogitarteko solidarioa

Girotzeko batzordea

Hezkuntza komunitateari ikastetxeko bizitzako une garrantzitsu oro bizitzen laguntzeko nahitik sortu da, eta helburua espazio komunentzat dekorazio atsegina diseinatzea da.

Girotzeko batzordea