Colegio Jesús-María Ikastetxea

Kaixo. Hola. Hello.

Gure helburua: ikasle bikainak eta pertsona heztea.  

Ongi etorriak JM Bilbao ikastetxera.

Irekitasuna. Aniztasuna. Errespetua. Pluraltasuna. Horiek dira JM Bilbao ikastetxearen lana inspiratzen duten printzipioak.
Itunpeko ikastetxea gara eta balio humanistak eta familia giro abegitsua garai berriei irekitako hezkuntza pedagogikoki berritzaile batekin uztartzen dugu.
Zure seme-alabek beren kabuz pentsa dezaten eta modu kritiko, solidario eta arduratsuan bizi daitezen nahi baduzu, eta gainera, etorkizunari konfiantzaz aurre egiteko behar den prestakuntza akademiko bikaina lor dezaten nahi baduzu, JM Bilbao da zuentzako eskola.

Bilbokoa

Inork ezin du irudikatu Bilboko hezkuntzaren mapa "Artxandako eskola” gabe. Sortu zenean, 1958an, emakumeentzako eskola zen. Gaur egun, hirian garrantzi handia duten eskoletako bat da, errotuenetako bat, zalantzarik gabe, eta bertan ikasi dute hainbat bilbotar belaunaldik.

Bai, Bilbokoak gara: aldaketei eta munduari irekita gaude, baina erroak geure-geureak ditugu.

Claudina, gure inspirazioa

Norbaitek esan zuen existitzen duen oro aurretik amestua izan dela. Claudina Thévenet Lyonen jaio zen, 1776an, eta duela 200 urte baino gehiago, bere ametsa bere eskolan sartzen ziren neskato xumeak bertatik emakume independente eta aske gisa ateratzea izan zen, bizitzari aurrez aurre begiratuko zioten emakume gisa.

Bizitzea egokitu zitzaion garaietarako emakume aurreratua, Claudinak bere ametsa egia bilakatzea lortu zuen. Familia aberats batean jaio arren, bizitza etxerik eta baliabiderik ez zuten neskato eta gazteei eskaini zien. 1818. urtean Jesus-Mariaren Kongregazioa sortu zuen, eta lanaren eta denboraren poderioz, mundu osotik zabaldu zen, errespetuan eta prebentzioan hezteko eta gizartea barnetik eraldatzeko misioarekin.

Sarean: Hezkuntzaren eta duintasunaren alde.

Jesus-Mariaren Kongregazioak Europako, Afrikako, Asiako eta Ameriketako herrialde askotan ditu ikastetxeak gaur egun. Guztien nahia, premia handienak dituzten pertsonen alboan egotea da, hezkuntza formalaren eta ez formalaren bitartez. Horretarako fedearen eta kulturaren arteko elkarrizketarako bideak ezartzen dituzte, justizia eta giza duintasuna sustatuta, eta pertsonei beren osotasunean hazten lagunduta.

JM Bilbao Kristau Eskolaren zati ere bada, eta, ebanjelioko balioetan oinarrituta, aldaketekiko sentibera den hezkuntza eskaintzen du, eskola moderno baten eskakizun tekniko eta pedagogikoekin bat datorrena.